العيله اللي مفيهااش فاااهم حقها ضايع 👣👌
من ضمن المفااهيم اللي وصلتنا عن المتدينين من الافلام والمسلسلات انهم نوعين
نوع لو خلعت الجزمه اللي في رجلك وضربته هيديك الجزمه ويقول اضرب تاني
والنوع التاني هو الارهابي اللي بيقتل كده وخلااص وشاايف ان الدين تدمير وبس
وصور لنا صوره ذهنيه مشتته في العقل اللاواعي عندنا انو عشان تكون متديين تختار من حاجة من الاتنين ملهمش تالت ياام ذليل واللي يضربك قلم تعدلو الجنب التاني وتقولو كمل ياما تكون ارهاابي وتقتل كده وخلااث في الناس 👹
احب اعلق علي الحالة الاولي واقول ان الدين مجااش عشان يخليك تعيش ذليل او انك ترضا بالذل لا ده جه عشاان يرفع الذل عن الفقير والعبيد ويساوي الغني بالفقير والقوي بالضعيف وعطي كمان كل واحد حقه في انه يسترد اي تجاوز يحصل له او يعفو (فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ [البقرة : 194]) هنا امر من الله ان المفروض لما حد يعتدي عليك انك ترد الاعتداء بالمثل ودي فطره حيوانية موجوده في الانسان والله ميز الانسان عن الحيوان بالعقل والرسول ﷺ قال (المؤمن القوي خير وأحب إلى الله من المؤمن الضعيف) وهنا لا يقصد القوة البدنيه فقط لانها فطره يجبل عليها الانسان انما يقصد أن يكون المؤمن قويًّا في كل شيء، ذا همة عالية في أمر دينه ودنياه .
-طيب دلوقتي ياشيخ اناا راجل بتااع سلام دافئ 😅
يا بااشا مش هسيبك بردوو وراك وراك
بتاع سلام وحااب تسيب حقك وتاخدو يوم القياامة (وَجَزَاءُ سَيِّئَةٍ سَيِّئَةٌ مِّثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ [الشوري :40])
يعني الدين حط لك الاتنين قدامك وانت بتختار ياما اني حقي اجيبو او اسيبو
الدين مش بيقولك سيب حقك زي ما المسلسلات بتقول (العيله اللي مفيهاش صايع حقها ضاايع) لا انا ارد هنا واقول (العيله اللي مفيهااش فاااهم حقها ضايع ) اه العيله اللي مفيهاش واحد فاهم في الدين هي اللي حقها ضايع مش اللي مفيهاش صايع
المعضله مش في الدين المعضله في الطريقه اللي احنا بنشوف فيها الدين
-طيب والنص التاني بقااا 👺
بوص يباشا النص التاني اللي بيكون في نااس تمسك سلاح وتقتل الناس كده وخلااص ده حراام وربنا حرم قتل الابرياء (مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا[المائدة:32])